Qeveria e Serbisë ka reaguar ashpër ndaj deklaratave të SHBA

Qeveria e Serbisë ka reaguar ashpër ndaj deklaratave të SHBA-së në përkrahje të pavarësisë

Nëpërmjet një komunikate për shtyp akuzohet SHBA-ja se po i pengon shqiptarët e Kosovës të pranojnë zgjidhjen me kompromis për Kosovën. ”Deklaratat e përditshme të zyrtarëve amerikanë se bazuar në planin e Ahtisaarit pas 10 dhjetorit do ta pranojnë pavarësinë e njëanshme të Kosovës kanë për qëllim që me çdo kusht të pengojnë shqiptarët e Kosovës të pranojnë një zgjidhje kompromisi”, thuhet në komunikatë. Kryeministri serb, Koshtunica, sipas medias serbe u rikujton qytetarëve të Serbisë se baza për këtë “dhunë” të SHBA-së ndaj Serbisë gjendet në Aneksin 11 të planit të Ahtisaarit, në të cilin, sipas tij, thuhet se pushteti më i lartë në Kosovë është NATO-ja.