Koshtunica: “Kosova, kurrë e pavarur” – Tadiq: “Po të lufton

Koshtunica: “Kosova, kurrë e pavarur” – Tadiq: “Po të luftonim sërish, do të humbnim sërish”

Kryeministri serb, Vojisllav Koshtunica, ka bërë thirrje që zgjedhjet presidenciale të mos mbahen në dhjetor në Serbi, pasi që, sipas tij, në këtë kohë duhet ta mbrojnë Kosovën. “Kur të shohim se cili do të jetë rezultati i bisedimeve, do të kemi kohë që deri më 31 dhjetor t’i mbajmë zgjedhjet, sepse zhvillimi i situatës në Kosovë, mund të imponojë ndryshime kushtetuese. Ekziston mundësia që pas 10 dhjetorit, SHBA-të ta njohin pavarësinë e njëanshme të Kosovës, dhe ne duhet me të gjitha forcat ta shkatërrojmë një shpallje të tillë”, ka deklaruar Koshtunica. Sipas tij, Kosova kurrë nuk do të jetë e pavarur. Ndërkohë, kryetari i Serbisë, Boris Tadiq, ka thënë se nuk duhet të luftohet për Kosovën, sepse Serbia do ta humbiste edhe një tjetër luftë me bashkësinë ndërkombëtare. Ai ka thënë se lufta nuk i sjell askujt asgjë të mirë, porse duhet insistuar në mbrojtjen e integritetit territorial të Kosovës.